Lukas Torreira ia ka siguruar Arsenalit një fitore të rëndësishme me një gol të vonshëm, por tejet të bukur me gërshërë, ndaj Huddersfieldit të shtunën në Londër.
Skuadra e Unai Emeryt po vinte nga nja barazim ndaj Manchester Unitedit në mesjavë dhe kur u duk se do ta regjistronte barazimin e dytë radhazi kundër skuadrës në pjesën e poshtme të renditjes në Premierligë, mesfushori uruguaian pati një përgjigje brilante duke realizuar gol të bukur me gërshërë shtatë minuta para kohës së rregullt.
Kjo fitore e ngrit Arsenalin në pozitën e tretë me 34 pikë, tetë më pak se lideri, Liverpool, dhe një më shumë se vendi i katërt, Tottenham, por i cili ka një ndeshje më pak të zhvilluar.
Pjesa e parë e këtij ballafaqimi ishte mjaft e tensionuar me shumë karton të shpërndarë nga gjyqtari për të dy palët.
Në mesin e katër futbollistëve të Arsenalit të ndëshkuar në këtë pjesë lojë ishin edhe shqiptarët Granit Xhaka dhe Shkodran Mustafi.
Në total, shtatë karton të verdhë u ndan nga gjyqtari për të dy skuadrat, katër për “Topçinjtë” dhe tri dhe vizitorët.
Përkundër nëntë tentimeve në drejtim të portës së vendasve, Fulhami nuk e pati asnjë goditje në kornizë.
Ndërsa, një nga dy goditjet e Arsenalit në kornizën e portës mysafire përfundoi në rrjetë.
Lukas Torreira shënoi me gërshërë i papenguar nga një distancë prej pesë metrave, duke i dhënë fitoren Arsenalit, që është skuadër e pamposhtur në 21 takimet e fundit.
