Edhe pse është një legjendë e garave të motoçiklizmit, jo të gjithë kanë një konsideratë të mirë për pilotin italian Valentino Rossi, që numëron 9 tituj kampionë bote. Alberto Puig, drejtori sportiv i Honda, nuk i ka kursyer kritikat karshi rivalit me Yamaha, duke thënë: “E respektoj Rossin, por në jetë çdo gjë ka momentin e saj”.
“I pëlqen apo jo, koha e tij ka përfunduar. Sot, është Marc Marquez numri 1. Madje unë nuk e kuptoj ende se përse Valentino vazhdon të garojë. Ne nuk shqetësohemi aspak nga ambient dhe fjalët që lëshojnë njerëzit pranë Valentino. Përkundrazi, në këto sjellje në shohim dobësitë e tij, një pilot që duhej të ishte tërhequr me kohë”, tha Puig.
