Trajneri i njohur Luiz Felipe Scolari është emëruar trajneri i kombëtares së Kolumbisë. “ESPN Brazil” ka publikuar emrin e 70-vjeçarit në krye të pankinës së “Los Cafeteros”.
Pas eliminimit nga Kupa e Botës 2018, argjentinasi Jose Pekerman dha dorëheqjen. Që nga ajo kohë, Kolumbia është drejtuar nga trajner të përkohshëm.
Scolari ka drejtuar Kombëtare të mëdha si Brazili e Portugalia dhe Chelsean. Kupa e Botës në 2002 dhe shpartallimi 7-1 nga Gjermania në Botërorin e 2014 janë momentet më ekstreme të karrierës së tij.