Juventusi dhe Interi janë në garë për një nga lojtarët më premtues të kombëtares italiane, mesfushorin Nikolo Barela, i cili është pjesë e Kaljarit aktualisht.Por të dy klubet e njohur në Itali mund të mbeten “thatë”, sepse lojtari në fjalë mund të përfundojë në kampionatin anglez shumë shpejt.
Sipas “Sun”, Barela është në orbitën e Çelsit të trajnerit Mauricio Sarri. Rendimenti i lartë i lojës me fanellën e Kaljarit dhe të Italisë, ka bërë që vlera e mesfushorit të shkojë në rreth 45 milionë euro. Punët janë vështirësuar shumë për Juventusin dhe Interin, sepse oferta nga Anglia mund të jetë më e mirë për mesfushorin e ri.