Sulmuesi belg i Napolit, Dries Mertens ka ndezur “shkëndijat” në prag të ndeshjes së Ligës së Kampionëve që ekipi i tij luan në mbrëmje kundër ekipit anglez të Liverpul. 
Belgu ka ofenduar në mënyrë jo të drejtpërdrejtë krenarinë e “Anfiled”. Një tabelë e vendosur përpara se të futesh në fushën e blertë ku shkruhet: ”Ky është Anfield”, do të thotë shumë për legjendat, lojtarët edhe tifozët e Liverpul. 
Por Mertens nuk e ka pasur parasysh këtë fakt dhe nuk i ka bërë aspak përshtypje duke u shprehur se: “Kur kam luajtur njëherë në vitin 2010, mbaj mend që kishin një tabelë ku shkruhej ‘Ky është Anfield’. “Kur kalova tunelin nuk e pashë, kur më vonë më thanë të shihja një tabelë të vogël dhe pyeta veten ‘pse është kaq e veçantë kjo gjë?’”- ka përfunduar Mertens.
