176 gazetarë nga vendet e botës kishin të drejtën që të votonin për të zgjedhur fituesin e “Topit të Artë”. Secili prej tyre kishte në dispozicion nga 5 pikë dhe i shpërndante nga 5 deri te 1 për futbollistët kandidatë të vendosur nga “France Football”.
Sigurisht që votat e çuditshme nuk ishin të shumta për shkak se revista franceze kishte bërë një listë të ngushtë dhe jo cilido mund të votohej. Megjithatë, disa zgjedhje befasuese nuk mund të mungonin. Për shembull, Benzema ishte i përzgjedhuri i gazetarit nga Republika e Afrikës Qendrore, ndërsa Manxukiçin e kishte zgjedhur si të pestin. Varan ishte i zgjedhuri i gazetarit nga Luksemburgu, Indisë dhe Surinamit, ndërsa Kurtua i Kirgistanit.
