Milani po punon intensivisht për të arritur te Sesk Fabregas. Mesfushori ka pranuar të përgjysmojë rrogën, teksa transferimin e tij Çelsi po mundohet ta lidhë me blerjen e Tiemue Bakajokos nga ana e kuqezinjve. Sinjalet janë pozitive mes palëve, por nëse dështon pista londineze, Leonardo ka një rezervë.
Ndërkohë që bisedon me Çelsin, drejtuesit kuqezi po mbajnë kontakte me Ariedo Braidën. Ish-drejtori i Milanit, aktualisht te Barcelona mund të jetë njeriu kyç për huazimin e Denis Suarezit nga klubi milanez. Mesfushori nuk po gjen hapësira në Katalunjë, ndaj dëshira e tij për minutazh mund të përdoret për ta bindur që të pranojë huazimin 6-mujor te Milani.