Ylli i Barcelonës, Lionel Messi, ka qenë në qendër të vëmendjes së mediave pas paraqitjes së tij mbresëlënëse në ndeshjen e së shtunës kundër Espanyolit. Madje, njëri nga dy golat e tij të shënuar ishte aq i mirë saqë komentatori i BeIN Sports, Ray Hudson, nuk kishte mundur t’i besonte syve të tij.
Pesë-herë fituesi i Topit të Artë e shënoi golin e parë të ndeshjes për Barcelonën nga një gjuajtje e lirë dhe ky gol i la gojëhapur shumë tifozë, futbollistë dhe analistë të futbollit anembanë botës.
Pikërisht në këtë grup të njerëzve që kishin mbetur të mahnitur nga ky gol ishte edhe komentatorit i beIN Sports, Ray Hudson. Reagimin e tij ndaj këtij goli e publikoi faqja zyrtare e këtij mediume në rrjete sociale.
Pas këtij goli, Messi e asistoi golin e shënuar nga Ousmane Dembele, si dhe e shënoi edhe një gol tjetër për ta thelluar rezultatin në 4-0.
Here’s a backstage look at @RayHudson after that Messi free-kick #EspanyolBarça #LaLigaExperience pic.twitter.com/cNjmJrPN48
— beIN SPORTS USA (@beINSPORTSUSA) December 8, 2018
