Mediat greke kanë raportuar gjatë ditës së djeshme se klubi i Interit po ndjek me vëmendje përparimin e mesfushorit të talentuar grek, Giannis Bouzoukis.
Futbollisti 20-vjeçar, i cili luan me Panathinaikosin, është një nga zbulimet e këtij sezoni dhe ka tërhequr vëmendjen e Giuseppe Baressit, vëzhgues pranë klubit zikaltër.
Giannis Bouzoukis debutoi vetëm në fund të sezonit të kaluar me kryeqytetasit grekë, ndërsa në sezonin aktual është aktivizuar në 11 takime, duke shënuar edhe dy gola.
