Ylli i Manchester City-t, Bernardo Silva, ka kërkuar nga shokët e tij të ekipit që të “shtojnë forcat” pas humbjeve të njëpasnjëshme. Pas humbjes 2-1 ndaj Leicester City-t, djemtë e Guardiolës pësuan një shok, por ylli i kampionëve në fuqi ka dashur të “zgjojë” shokët pasi tashmë rivali kryesor Liverpool-i është shkëputur me 6 pikë.
“Ne humbëm kontrollin emocional. Në atë ndeshje ndjeva që djemtë u ndalën pak, sepse nuk e prisnin atë gol. Për ne nuk janë normale dhe aspak mirë, dy humbjet rresht. Ka të bëjë me karakterin e ekipit. Ne dimë se ka gjëra që nuk shkojnë ashtu siç duhet, por ne duhet të luajmë me zemër, të përmirësohemi dhe të ikim nga kjo situatë.”
