Cristiano Ronaldo po përgatitet për ndeshjen e së shtunës ndaj Romës në kuadër të xhiros së 17-të në Serie A, dhe ka zbuluar se si iu përgjëruan dhe e kërcënuan lojtarët e Romës gjatë kohës sa ishte lojtar i Manchester Unitedit.
Portugezi ka zbuluar se në ndeshjen me Unitedit ndaj Romës, lojtarët i kanë kërkuar atij që të ndalet dhe të mos i driblojë lojtarët.
Ronaldo ishte pjesë e Unitedit nga viti 2003 deri më 2009, ku pastaj u largua në drejtim të Real Madridit.
“Kur ishte rezultati 6-0, ata më kërkuan mua që të ndalem, një kundërshtar më përgjëroi që të mos i dribloj më”, ka thënë Ronaldo për ndeshjen që e fitoi United me rezultatin e thellë 7-1 ndaj romakëve në kuadër të Ligës së Kampionëve.
“Tjerët më kërcënuan se do të më lëndonin”.
Hera e fundit që Ronaldo ka shënuar ndaj Romës është viti 2016 me Real Madridin në fitoren 2-0 në kuadër të Ligës së Kampionëve.
