Ka qenë një barazim pa “zhurmë” ai mes Milanit dhe Torinos. Një 0-0 që mund të ishte zhbllokuar në pjesën e parë më dy raste të granatave, me super Donnarumma, por edhe me një Higuain e Cutrone protagonistë në pjesën e dytë.
Në tribunë, sakaq, ka qenë i pranishëm blerja e re, Lucas Paquetta, që ka ndjekur sfidën. Ai do të kryejë testet mjekësore ditën e hënë dhe më pas do të niset drejt Brazilit sërish. Ndërkohë, poshtë tij edhe Galliani, që mbetet tifoz kuqezi, edhe pse tashmë te Monza.
Braziliani është dukur i mërzitur për barazimin, ndërsa duart në kokë për një rast të humbur i ka vendosur Gazidis.
