Një ofertë marramendëse ka ardhur në drejtim të Khabib Nurmagomedov për të zhvilluar një ndeshje tjetër me Conor McGregor, sipas babait të luftëtarit rus.
Ndeshja e shumëpritur mes dyshes është zhvilluar në tetor dhe Nurmagomedov ka mposhtur McGregor në raundin e katërt me sumbission.
Gjithsesi, ndeshja më e shikuar e UFC do të mbahet mend për sherrin që ndodhi pas ndeshjes.
“Ata kanë ofruar 15 milionë dollarë amerikan për revanshin me McGregor”, shprehet babai i Khabib për Sport 24.
“Por ne duam 30 milionë! Ka luftëtarë të tjerë në radhë që meritojnë të ndeshen me Khabib. Duhet t’i respektojmë si luftëtarë.
“Mendoj se Ferguson e meriton më tepër se Conor. Khabib i kanë mbetur edhe katër ndeshje, pastaj do të dalë në pension”.
