Pas fitores 2-0 të Barcelonës ndaj Celta Vigos, ku edhe shënoi një gol, Lionel Messi ka udhëtuar për në Rosario të Argjentinës me bashkëshorten, Antonela Roccuzzon dhe fëmijët Thiago, Mateo e Ciro.
Ylli i Barcelonës do të jetë në Argjentinë për Krishtlindje, por do të kthehet për stërvitje me Barcelonën më 2 janar të vitit të ardhshëm.
Ndeshja e ardhshme do të jetë më 6 janar kundër Getafes në kuadër të xhiros së 18-të në La Liga.
Barcelona aktualisht kryeson në renditje me 37 pikë, tri më shumë se Atletico Madrid në pozitën e dytë.
