Liverpool e ka deklasuar sonte në Anfield Newcastle United me rezultat 4-0, duke shënuar një fitore të madhe që e dërgon atë drejt titullit të kampionit. Në këtë ndeshje nga minuta e parë ka startuar Xherdan Shaqiri, i cili edhe ka realizuar gol në minutën e 79-të.
Liverpool nuk po di të ndalet.
Sonte ata kanë mposhtur me rezultat 4-0 Newcastle United në Anfield duke marshuar kështu drejt titullit të 19 në Premier Ligë.
Pjesa e parë Liverpool e nisi e tëra në sulm ku arriti që të shënoi që në minutën e 11-të me anë të Lovren.
Pjesa e parë përfundoi me këtë rezultat.
Në pjesën e dytë ishte përsëri Liverpooli që nuk u ndalën.
Në minutën e 48 Salah shënon nga penalltia, edhe pse penalltia e akorduar ishte shumë e dyshimtë për vendasit.
Neëcastle tentoi të kthehet në lojë por nuk ja arriti, pasi që ishte Xherdan Shaqiri që e vulosi këtë takim duke shënuar në minutën e 79.
Për më shumë Liverpool shënon edhe në minutën e 85-të duke e vulosur këtë takim me golin e Fabinhos.
Me këtë fitore, Liverpool arrin në kuotën e 51 pikëve dhe është shtatë pikë para Manchester Cityt që është në pozitën e dytë më 44 pikë.
