Në javën e 16-të të Superligës, një ndeshje shumë interesante është edhe ajo mes Flamurtarit dhe Laçit . Vlonjatët kërkojnë të rikthehen patjetër tek fitorja, pasi në takimin e fundit janë mundur në mënyrë befasuese në Fushë – Krujë nga Kastrioti.
Megjithatë, ajo që bie në sy për takimin e radhës është fakti që rrezikojnë të mungojnë 6 lojtarë. Si fillim ende nuk dihet nëse do të lujë portieri Enea Koliçi, i cili vuan nga një dëmtim. Agustin Torasa ka po ashtu të njëjtin problem. Më tej nuk dihet nëse Danilo Alvesh është plotësishtë i gatshëm për t’u rikthyer në fushë. Gjithashtu, mungesa të sigurta janë Batha edhe Useini për shkak të kartonëve, ndërsa në fund është Deliaj si i dëmtuar.
Nëse askush prej këtyre futbollistëve nuk do të jetë në fushën e lojës, atëherë ndeshja për Flamurtarin do të ishte shumë e vështirë, pasi përballë kurbinasve, një tjetër hap fals, do të thoshte se skuadra e Dajës do të ishte shumë larg objektivave të sezonit.
