Portieri i Kamzës, Ilir Avdyli është shprehur për ‘Supersport’ pas fitores 1-0 ndaj Luftëtarit është shprehur se ky triumf shkon për vëllain e tij, që ka ndërruar jetë, e gjithashtu është i emocionuar nga shokët e skuadrës.
“Ka afër një vit këtu dhe kemi patur shumë ndërrime trajnerësh. Ngërçet financiare na kanë penalizuar, por gjithashtu edhe dëmtimet. Në ndeshjet e fundit e kemi marrë veten. Fitoren ia dedikoj vëllait që ka ndërruar jetë. Mendoj që skuadrat e fundit të tabelës do të luftojnë deri në fund. Tirana ka më shumë avantazh. Fitorja e sotme ka më shumë se 3 pikë. Në fazën e parë dhe në fillim të së dytës kemi luajtur shumë mirë, por tashmë në fund të fundit futbolli luhet për rezultatet dhe pikët”.
