Mesfushori i Barcelonës, Sergio Busquets, ishte i përfshirë në një zënkë mes futbollistin e Villarealit, Pablo Fornals, të dielën. Pas asaj zënkë, Fornals e ka akuzuar Busquetsin se e ka qëlluar me shpullë.
Përkundër që janë bashkëlojtarë në Kombëtaren e Spanjës, dyshja Busquets – Fornals u ndeshën gjatë ndeshjes të së dielës. Videot e nxjerra nga ky incident tregojnë se Busquets e kishte qëlluar me shpullë bashkëkombësin e tij në Villareal.
“Ai më qëlloi me shpullë”, kishte tentuar t’ia sqaronte Fornals gjyqtarit të ndeshjes, e cila kishte përfunduar me rezultat 2-0 në favor të blaugranëve.
Asnjë masë ndëshkuese nuk u ndërmor ndaj tri-here fituesit të Ligës së Kampionëve, megjithatë pas pak minutave Fornals tentoi të hakmerrej dhe u ndëshkua me karton të verdhë për një ndërhyrje ndaj Busquetsit.
Ndeshja u zhvillua me shumë agresion dhe tension në të anët e fushës, megjithatë incidentet më të përfolura ishin ato mes yllit të Villarealit, Gerard Morenos, dhe atij të Barcelonës, Gerard Pique.
