Granit Xhaka mendon se Lucas Torreira kërkon me çdo kusht të jetë si Alexandre Lacazette dhe Pierre-Emerick Aubameyang, prandaj ka filluar të shënojë gola.
Uruguaiani është blerë si mesfushor defensiv për 25 mln euro nga Sampdoria në merkaton e verës.
Ai ka bërë paraqitje shumë të mira, duke shënuar si në derbin 4-2 ndaj Tottenham, ashtu edhe ndaj Huddersfield në ndeshjen e fundit.
“Mendoj se ai do të jetë si Auba dhe Lacazette,” shprehet Xhaka për faqen zyrtare të Arsenal. “Është një gol i rëndësishëm, ai ndaj Huddersfield, dhe një ndeshje e madhe për ekipin. Siç e thashë më parë, nuk ishte e lehtë.”
Topçinjtë i ka shpëtuar Torreira me golin e minutave të fundit duke bërë që të ruajnë ritmin me kryesuesit.
