Futboll Seria A Sport

TREGON PËR IDHULLIN E TIJ/ Talenti i Juventusit: Ai më tha të mos ndjek shembullin e tij

Moise Kean, sulmuesi i Juventus-it dhe kombëtares italiane, ka folur rreth karrierës së tij dhe rreth marrëdhënies së veçantë me Mario Balotelli-n.

Shpesh i krahasuar me “Super Mario-n”, 18-vjeçari foli për “RMC Sport” për idhullin e tij, që duket se është njëkohësisht edhe këshilltari i tij më i mirë.

Krahasimi me sulmuesin e Nice, ish-lojtar i Inter-it dhe Milan-it, ndodh shpesh. Jo saktësisht për pozicionin, por në aspektin fizik dhe talentin e madh. Kean e komentoi kështu krahasimin me Balotelli-n: “Ishte idhulli im, por vetëm nga mënyra se si luante. Është një djalë i mirë, më ka dhënë shumë këshilla, sepse nuk do që unë të kaloj të njëjtën gjë që ka kaluar ai”.

Tani tek Juventus-i, është dikush tjetër që mund ta ndihmojë shumë, Cristiano Ronaldo: “CR7? E shihja vetëm në Play Station… të luaj me të më ka ndihmuar shumë, kam mësuar shumë prej tij si dhe nga kampionët e tjerë që luajnë tek Juventus “.

E ardhmja e tij është ende e pasigurt. Kean, i cili në të shkuarën ka qenë i huazuar te Verona, dëshiron të gjejë hapësirën e tij në skuadër, por me kampionë si Dybala, Ronaldo, Mandzukic është shumë e vështirë: “A do të largohem në janar? Nuk e di se çfarë do të ndodhë. Nuk e di dhe nuk mund të them akoma diçka. Është klubi ai që do të vendosë. Ata do të bëjnë vlerësimet e tyre dhe më pas do të shohim”.

Pavarësisht se Allegri konfirmoi se lojtari nuk do të largohet nga Torino në janarit, talenti i Kean duhet të dalë në pah përfundimisht dhe për ta bërë këtë duhet të luajë.

Related posts

ZYRTARE: Nënkampioni i botës kalon te Chelsea, huazohet për një vit (FOTO)

Isa.Autor

NË PRAG DERBI KRYEQYTETAS/ Trajneri Gega: Tradita është mirë të vazhdohet, më tremb…

Delo.autor

Mourinho: Joao Mario te Unitedi? Pse jo, më pëlqen shumë

Sadik.Autor

Leave a Comment