Mauro Ikardi i dashuron ngjyrat zikaltër të Interit, por aty ai nuk do të arrijë të fitojë asgjë. Kështu është shprehur agjentja dhe njëkohësisht gruaja e futbollistit argjentinas, Vanda Nara.
Tashmë e ardhmja e sulmuesit vihet paksa në dyshim, pavarësisht se ai e ka bërë të qartë se nuk e kërkon largimin nga “Giuseppe Meazza”.
Në një prononcim për mediat italiane Vanda u shpreh: “Ai ndjehet shumë mirë me ngjyrat e Interit për momentin, në qoftë se vjen dita kur ai ëndërron një çmim, ndoshta do të jetë koha për të ndryshuar skuadrën. Bëhet fjalë për “Topin e Artë” pasi një lojtar i Interit nuk e fiton dot atë.
Ai nuk po mendon për “Topin e Artë”, por kur të jetë koha për atë çmim do ta them menjëherë. Nuk duhet të jesh gjeni për të kuptuar se duhet të luash në Spanjë për ta fituar atë çmim”, u shpreh Vanda.
