A është e mundur që Inter të ketë vendosur ta gjobisë dhe përjashtojë Nainggolan nga ndeshja me Napoli-n (dhe ajo me Empoli-n) për një vonesë në stërvitje?
Çështja Radja Nainggolan ka bërë bujë dhe duket se mbrapa vendimit të zikaltërve qëndron diçka më e rëndë, siç ka bërë të ditur e përditshmja “Libero”.
Çfarë? Lojtari duket se është kritikuar për rendimentin e tij nga disa tifozë ultras të Inter-it gjatë natës së radhës së kaluar në diskotekë, me mesfushorin që duket se ka reaguar. Kjo ka qenë e tepërt për drejtuesit e Inter-it, të cilët kanë vendosur ta pezullojnë dhe gjobisin.
Kush do ta zëvendësojë? Ka shumë mundësi që vendin e tij ta marrë Vecino, me Brozovic dhe Joao Mario që do të kompletojnë mesfushën.