Botërori 2019 i Moto GP do të ketë si pretendent për titull sërish pilotin italian Andrea Doviziozo, që këtë vit shpreson të bëjë hapin e madh. Pas dy sezonesh i dyti, pas spanjollit Marc Marquez me Honda, piloti italian synon që këtë vit të thyejë tabunë. Dhe, për të arritur objektin, shpreson te ndihma e motorit Ducati.
Sot pasdite është bërë prezantimi i Ducatit, motorit italian që garon në Moto GP dhe konkurron përballë rivalëve japonezë të Honda, Yamaha e Suzuki. Misionin “të fitojmë sot” ishte ai që shoqëroi ceremoninë e prezantimit të motorit të kuq, që gjatë vitit 2019 do të pilotohet nga dyshja italiane Dovizioso-Petrucci.
“Titulli është një sfidë e vështirë, por në dy sezonet e fundit jam renditur i dyti. Jam i kënaqur nga paraqitjet e mia dhe nga motori që kam në dispozicion, me të cilin shpresoj të ndaj Hondën dhe Marquez. Kemi mësuar shumë nga sezoni i fundit, e njoh mirë kapacitetin dhe fuqinë e motorit dhe së bashku mund të fitojmë titullin”, tha Dovizioso.
