Masimo Morati ka folur për zërat që janë përhapur kohët e fundit lidhur me çështjen e Ikardit dhe Interit.
Në një intërvistë të shkurtër të dhënë për gazetën italiane, ish-presidenti i Interit ka thënë se klubi zikaltër e ka një strategji si të mbajë sulmuesin argjentinas në ekip.
Ai mendon se Ikardi ka shumë të drejtë që të kërkojë rritjen e pagës në rinovimin e tij të kontratës. “Vit për vit dëgjojmë zëra lidhur me rinovimin e tij. Mendoj se sulmuesi ka të drejtën që të kërkojë një kontratë më të mirë, por gjithashtu besoj se klubi ka bërë gati strategjinë që ta mbajë në “San Siro”. ”
“A do t’i kisha dhënë unë 8-9 milionë euro Ikardit nëse do të isha presidenti? Nuk di si të lidh figurat e të tashmës me ato që kanë qenë në të kaluarën”.- ka thënë shkurtimisht Morati.
