Barcelona ka përmbysur disavantazhin e ndeshjes së parë, e cila ka përfunduar në favor të Levante-s 2-1, duke fituar 3-0 në Camp Nou.
Me këtë rezultat, skuadra e Ernesto Valverde-s ka kaluar në fazën e çerekfinaleve të Copa del Rey.
Trajneri katalanas kishte vendosur një formacion kompetitiv këtë herë, në krahasim me ndeshjen e parë ku kishte aktivizuar shumë të rinj.
Ndër lojtarët që luajtën nga minuta e parë ishte edhe Lionel Messi, i cili përgatiti dy gola përpara se të shënonte të tretin.
Dy golat e parë janë shënuar nga Ousmane Demeble, i cili është bërë lojtari i parë i Barça-s që shënon në katër kompeticione të ndryshme këtë sezon: Superkupa e Spanjës, La Liga, Champions League dhe Copa del Rey.
