Françesko Toti duket se do të jetëzohet në një film. Ish-kapiteni legjendar i Romës, i cili mbrojti gjatë gjithë karrierës ngjyrat e skuadrës verdhekuqe, do të jetë në qendër të një filmi ku flitet për karrierën dhe jetën e tij.
Të gjitha pyetjet janë se kush do të jetë aktori që do të luajë rolin e Totit? Mediat italiane konfirmojnë se kandidati kryesor është aktori skocez Xhejms Mekavoi, që gjithashtu është edhe tifoz i apasonuar i futbollit. Ai, në fakt, ka ngjashmëri në pamje me ish-kapitenin e Romës.
“I ngjaj Françeskos dhe jam gati ta interpretoj nëse ma ofrojnë atë rol. Toti është personazh i jashtëzakonshëm i futbollit. Më vini në provë dhe do të tregoj sa vlej” është shprehur Mekavoi.
