Mbrojtësi i Chelseat Gary Cahill ka refuzuar transferimin tek Juventus, Monaco dhe Fulham në ditën e fundit të merkatos së janarit.
Chelsea ishte gati ta lejonte të largohej Cahill në janar, teksa lojtari i përfaqësueses angleze ka bërë vetëm shtatë paraqitje këtë sezon.
Fulham dhe Chelsea madje kishin arritur marrëveshjen për blerjen përfundimtare, por 33-vjeçari nuk arriti akordin financiar me klubin e Claudio Ranierit.
Mësohet se ai gjithashtu ka refuzuar transferimin tek gjigantët e Serie A, Juventus, dhe Monaco-s në Ligue 1. Ai do të luftojë për një vend titullari te Chelsea i Sarri-t.
Kontrata e Cahill skadon në fund të sezonit. Ish-lojtari i Bolton dhe Aston Villa ka fituar dy herë titullin e Premier League dhe trofeun e Champions League gjatë shtatë viteve te Chelsea.
