Ka bërë jo pak bujë lajmi se Gonzalo Higuain nuk ishte i pranishëm në fotografinë e grupit kuqezi, pra plot 23 futbollistëve dhe stafit teknik e drejtuesve. Shumë e morën për një largim të sigurt, por klubi sqaroi se bëhej fjalë vetëm për një mungesë në lidhje me trajtimin që po bën.
Por, pse po bën trajtim dhe kura Pipita? Prania e tij në fushë përballë Juventusit rrezikohet. Jo nga merkato, jo nga fakti që ka kërkuar largimin apo se ka bërë fjalë me Gattuson, por për gjendje gripale. Deri një orë përpara ndeshjes do të pritet gjendja e tij. Nëse nuk ka më ethe dhe përkeqësim, do të aktivizohet, por rreziku për të munguar është i madh.
