Futboll Seria A Sport

E FUNDIT/ Fondi nga Hong Kongu merr pronësinë e Interit

Inter ka zyrtarizuar kalimin e 31.05% të aksioneve të Erick Thoir te fondi nga Hong Kongu, LionRock Capital. Siç është mësuar më herët, për të larguar indonezianin nga pronësia e zikaltërve, bashkëpronarët e rinj kanë paguar 150 milionë euro.

Një deklaratë në faqen zyrtare të Interit thuhet: “FC Internazionale Milano njofton se LionRock Capital ka arritur një marrëveshje me International Sports Capital HK Limited për të blerë aksionet e tyre 31.05% të klubit. Kështu, LionRock Capital bëhet aksionari i ri i minoritetit tek Inter.

Klubi mirëpret LionRock Capital në familjen e Interit dhe pret që ata të ndihmojnë dhe mbështesin Suning në sjelljen e suksesit të mëtejshëm si në fushë, ashtu edhe jashtë saj. Klubi i vlerëson Erick Thohir për kontributin e tij në të kaluarën dhe i uron atij çdo sukses në të ardhmen.”

LionRock është themeluar në vitin 2011 nga Daniel Kar Keung Tseung, një biznesmen kinez-amerikan i cili ka 25 vjet përvojë pune në Kinë dhe Azinë Juglindore.

Keung Tseung tha: “Ne jemi shumë optimistë për perspektivat e zhvillimit të biznesit të të gjitha aktiviteteve të lidhura me sportin dhe me mbi 110 vjet histori dhe ndikim global në fushën e futbollit, FC Internazionale Milano ka potencial emocionues të zhvillimit në të ardhmen.

“LionRock Capital do të mbështesë plotësisht objektivin kryesor të Interit për ta bërë një nga klubet më të mira të futbollit në botë, brenda dhe jashtë fushe”.

Marrëveshja përfundon lidhjen pesë-vjeçare të Thohirit me zikaltit, teksa indoneziani i pati shitur shumicën e aksioneve Grupit Suning në vitin 2016.

Related posts

Tirana shpërdoron pa fund, Kamza tregohet pragmatiste dhe kalon në avantazh

Isa.Autor

ASKUSH SI AI/ Ish-trajneri i Real Madrid shkruan historinë në Meksikë, me buxhetin e tretë më të pasur

Delo.autor

HAKIM NUK VJEN I VETËM TEK INTER/ “Zikaltërve” tani i shtohet edhe një tifoze super seksi (FOTO)

Delo.autor

Leave a Comment