Milani ka arritur akordin me Piontek dhe nesër pritet të hidhet firma e polakut për tu quajtur dhe me vulë lojtar kuqezi.
Sipas asaj që raportohet nga “Tuttomercato.web”, drejtuesit e të dyja ekipeve kanë mbyllur marrëveshjen menjëherë pas përfundimit të ndeshjes që është luajtur sot në drekë në Xhenoa.
23-vjeçari tanimë mund të quhet pjesë e Milanit duke premtuar që serinë pozitive të golave ta vazhdojë me një fanellë tjetër.
Formula e transferimit do të jetë e tillë, një pjesë e parave do të paguhen tani, ndërsa pjesa tjetër që do të jetë afërsisht 30 milionë euro, në fund të sezonit. Kjo për shkak se Milani ka probleme me UEFA-në, për Financial Fair Play.
