Trajneri i Juventus, Massimiliano Allegri, është shprehur i kënaqur për lojën e bërë nga skuadra e tij në takimin e fituar 2-0 kundër Bologna-s, që i ka dhuruar bardhezinjve kalimin në çerekfinalet e Kupës së Italisë. Këto kanë qenë fjalët e tij për “Rai Sport”:
– Mision i përmbushur, i kënaqur për gjithçka?
“Për atë që kemi bërë në fushën e lojës dhe për kualifikimin. Ndeshja me Bologna-n nuk ishte e lehtë, veçanërisht pas pushimeve”.
– Ndeshja e Milan-it ka shkuar me shtesë…
“Sfida me kuqezinjtë do të jetë një ndeshje teke. Kemi humbur dy herë me penallti atje, shpresojmë të fitojmë”.
– I kënaqur me Spinazzola dhe Kean?
“Kean shënon gjithmonë. Duhet të rritet akoma, por ka luajtur mirë. Ashtu si Spinazzola pas dëmtimit”.
– Edhe Bernardeschi ka luajtur mirë.
“Federico, ashtu si Douglas Costa, janë në një formë të mirë fizike dhe psikologjike. Do të jenë shumë të rëndësishëm pas dëmtimit të Mandzukic”.
