Reali i Madridit ka siguruar një tjetër fitore të rëndësishme në kampionat, teksa mposhti me rezultatin 2-0 Sevijan në takimin e vlefshëm për javën e 20-të.
Për të zhbllokuar sfidën, skuadra e Solarit duhet të priste 78 minuta, atëherë kur Kasemiro lëshon një predhë nga afro 40 metro duke shtangur portierin Vaçlik.
Madrilenët nuk u mjaftuan me epërsinë e 1 goli, teksa në minutat shtesë të ndeshjes, Modriç dyfishoi rezultatin pas një topi të rikuperuar në sulm.
Me fitoren e sotme, Reali u ngjit në kuotën e 36 pikëve. 2 më pak se Atletiko Madrid dhe 7 më pak se Barcelona që kanë nga 1 ndeshje më pak.
Sfidën e radhës kampionët në fuqi të Europës do e luajnë në transfertë ndaj Espanjolit. Ndërkohë për Sevijan kjo ishte humbja e dytë radhazi në kampionat. Skuadra e trajnerit Mashin ka lëshuar terren në sfidat e fundit duke rrezikuar zonën e Europës.
