Real Madrid do të udhëtojë drejt Sevillas këtë të diel për sfidën me Betis, por për trajnerin Solari problemi më i madh janë të dëmtuar. Në listë janë shtatë lojtarë që nuk janë të gatshëm të luajnë, në dyshim të fortë është Vinicius Junior, braziliani po kalon një gjendje gripale dhe nuk do jetë gati për ndeshjen e nesërme.
Si po përballeni me ndeshjen kundër Betisit?
“Të gjithë së bashku do të fitojmë si gjithmonë. Ka shumë pengesa dhe shumë të dëmtuar, por ne do të përpiqemi të rimëkëmbemi sa më shpejt që të jetë e mundur”.
A është shqetësuese që Vinicius është lojtari më i mirë i Realit?
“Nuk e dimë nëse ai do të jetë në gjendje të udhëtojë. Forca është grupi. Ne kemi 24 lojtarë, plus çdo lojtar që mund të shtohet. Kontributi i të rinjve është gjithmonë delikat në një ekip që ka fituar Ligën e Kampionëve tri herë me radhë. Ai është një djalë 18 vjeçar, i cili ka ardhur dhe po bën shumë mirë”.
Pse ka shumë lëndime të muskujve?
“Unë nuk do ta quaja atë fatkeqësi. Dëmtimet janë pjesë e futbollit. Ka shumë shpjegime dhe ne i marrim ato me një frymë kritike dhe me qëllim të shkurtimit të periudhave të rikuperimit”.
A është kjo ndeshja ku Isco rikthehet në formacion?
“Ai është mirë dhe ne duam rikuperojmë të gjithë ata që janë dëmtuar dhe nuk janë stërvitur. Nuk e kemi mbyllur ende thirrjen. Do të shohim se kush do të luajë”.
Si do të përballet ekipi juaj me këtë ndeshje?
“Është një ndeshje e vështirë. Kjo është një ligë shumë konkurruese dhe shumë e ndjekur në botë për konkurrencën e saj. Betis do të përpiqet të mbajë qarkullimin e topit”.
Si është e mundur që Isco, një lojtar që thatë se iu pëlqen, nuk luan në këtë ekip?
“Ka 24 lojtarë. Do të doja që gjithkush të luante më shumë. Puna më e vështirë është të bëni listën e të grumbulluarve, ata që do të luajnë dhe ata që mbeten jashtë”.
Çfarë këshille do t’i jepnit Iscos?
“Unë nuk kam për të dhënë këshilla për ndonjë lojtar. Këtu ka 24 lojtarë dhe ata të gjithë kanë shumë përvojë për të ditur se çfarë duhet të bëjnë”.
A do të ishte një lehtësim për ju nëse Isco largohet në merkaton e janarit?
“Ne jemi 24 lojtarë dhe kemi tre gara. Tani duhet të luajmë kundër Betisit dhe synimi ynë është që të fitojmë për të ngushtuar hendekun e pikëve në La Liga”.
