Skuadra e Paris Saint Germain është prej kohësh në kërkim të një mesfushori për të përforcuar këtë repart dhe emrat që kanë qarkulluar ditët e fundit kanë qenë të shumtë. Gjithsesi, asnjë nga emrat e përmendur në media nuk është konkretizuar për shkak të shifrave të larta që ekipet kërkojnë. Për këtë arsye, skuadra pariziene është ende në kërkim në merkaton e janarit, për të kënaqur pretrendimet e trajnerit Tuchel.
Sipas të përditshmes “L’Equipe” ekipi kampion i Francës ka ulur pretendimet për të marrë mesfushorë “big” dhe ka hedhur sytë nga Premier League. Në shënjestër të PSG-së është mesfushori senegalez i Everton, Idrissa Gueye, për të cilin ekipi francez është gati të paguajë 25 milionë euro. Një shumë u ulët krahasuar me pretendimet 80-100 milionëshe që kishte skuadra kampione e Francës për Allan dhe Paredes.
