Milani është duke provuar të shesë disa futbollistë që të krijojë atë pasuri për merkaton. Mes tyre, Borini, që është pranë firmës me Shenzen në Kinë për thuajse 9 mln euro. Por, dhurata e vërtetë ka ardhur nga Turqia, aty ku skuadra e Trabzonsporit, e detyruar nga FIFA, pasi kuqezinjtë kishin bërë kërkesë zyrtare dhe notë proteste, do të paguajë 12 mln euro në arkat e klubit.
Një “dhuratë” e vërtetë, pasi ato para ende nuk kishin kaluar në klubin e “Djallit”. Bëhet fjalë për shitjen e ndodhur dy vjet më parë të Kuckas dhe Sosas. Trabzon kishte refuzuar të kalonte paratë dhe FIFA i bllokoi merkaton. Por, tashmë ka ardhur akordi.
Ndërkohë, vijojnë pengesat për sulmuesin Carrasco në Kinë. Rroga e tij është 10 mln euro dhe klubi nuk e lëshon në formë huazimi. Milani po provon edhe për Pellegrinin e Romës, ndërsa nuk ka hequr dorë nga Sensi.
Për Higuain, lajmi i bujshëm vjen nga Anglia, kur Chelsea mund të takohet me drejtuesit e Juventusit për të dalë garant që të paguajë 37 mln eurot në fund të sezonit dhe pjesën e mbetur tani, pasi Milani e huazoi për 18 mln euro.
