Tifozët e Chelseas, në fakt dyshues që në momentin e transferimit të Higuain, kanë shpërthyer në rrjetet sociale menjëherë pas debutimin fantastik të Piatek me Milan, në sfidën ndaj Napolit, kur sulmuesi i ri kuqezi realizoi dy golat e fitores.
“Mos vallë morëm sulmuesin e gabuar?”, pyet njëri prej tifozëve të Chelseas.“Piatek shënoi dy gola, ndërsa Higuain refuzoi të ekzekutojë një penallti”, replikon një tjetër. Të tjerë vijojnë, mes talljeve, ironive dhe zhgënjimi: “Po tani çfarë do të bëjnë? Do të ofrojnë Higuain për Piatek?”, “Milan bëri rrëmbimin e shekullit me Piatek për Higuain”, “Chelsea mori bomberin e gabuar”, shkruajnë të tjerë.
