Ansu Fati do të jetë trashgimtari i Mesit te Barcelona. Të paktën kështu shpreson klubi katalanas që i besoi 18-vjeçarit fanellën me numrin 10-të të lënë pezull nga Mesi që u transferua te PSG-ja këtë merkato vere.
Lajmi për numrin e fanellës 10-të të re të Barçës, pushtoi mediat botërore ditën e djeshme pasi të gjithë ishin kurioz se kujt do t’i besoj ky numër me peshë kaq të madhe. Por babai i Ansu Fatit nuk e ka përmbajtur veten dhe i është drejtuar dyqanit të Barcelonës duke blerë 8 fanella për të gjithë familjen.
Një kosto 800 euro kjo për familjen Fati, por asgjë krahasuar me shumë që fiton i biri tek Barcelona, apo me kënaqësinë e prindrit për të parë sa më lart fëmijën e tij. Pamjet e publikuara në rrjetet sociale të babait të 18-vjeçarit janë bërë virale.
