Partizani nuk heq dorë nga sulmuesi Kuame Karikari, teksa interesimin për 26-vjeçarin e ka pranuar edhe vetë menaxheri i të kuqve, Ildi Dajlani.
Dajlani pohon se sulmuesi ganez është në listën e lojtarëve të preferuar, por ende nuk dihet si do të përfundojë ky operacion.
“Ne po punojmë për të tërhequr afrime të reja dhe kemi nisur të kontaktojmë për futbollistët të cilët janë në listën tonë. Për Karikarin nuk mund të them ende asgjë, duke qenë se nuk e dimë si përfundon ky operacion. Pas disa ditësh, do të qartësojmë edhe afrimet e reja në skuadër”, shprehet Dajlani për median azerbajxhanase.
