Javën që lamë pas, Barcelona bëri një goditje të bujshme në merkato, duke blerë Frenki De Jong nga Ajaksi. Por, tek holandezët ka mbetur një boshllëk i madh në mesfushë. Edhe pse De Jong do largohet në verë, ekipi i tij ka nisur kërkimet në Gjermani, për të zëvendësuar De Jongun.
Ai është Meritan Shabani, lojtar i Bajernit që po shkëlqen me paraqitjet e tij këtë sezon. 19-vjeçari aktivizohet me ekipin e dytë, por ka raste që grumbullohet dhe me ekipin e parë, ku ka bërë dhe një prezencë.
Sipas mediave gjermane, mungesa e minutave në këmbët e Shabanit, mund ta lejojë Bajernin ta japë në huazim, taktikë që e përdor shumë shpejt klubi bavarez.
