Hamdi Salihi në fund të sezonit me shumë mundësi do e mbyllë me futbollin e luajtur. Shkodrani i sulmit këtë kampionat nuk është se po bën mirë, por shpresohet që në pjesën e dytë të sezonit të rikuperojnë pikët e lëna.
“Sezoni, me thënë të drejtën, nuk ka shkuar ashtu siç e mendonim. Kemi bërë disa gabime rrugës, por përsëri jemi në vendet e para dhe shpresojmë që të rikuperojmë, meqë është luajtur vetëm gjysma e kampionatit”, deklaron Salihi për “A2 News”.
“Largimi nga futbolli? Po e mendoj sepse kam pasur disa oferta për të kaluar në pozicione drejtuese në klub, por edhe si ndihmës trajner”.
“Sezoni, të jemi realist, nuk ka qenë i mirë. Por për mendimin tim kjo ishte e pritshme, pasi ishte një periudhë tranzicioni me ndryshime shumë të mëdha. Unë, por edhe ata që e njohin pak sportin, i prisnin këto luhatje”, përfundoi Salihi.
