Skuadra e Marseille, që sot zyrtarizoi blerjen e sulmuesit italian Mario Balotelli, nuk do të ndalet këtu. Sipas mediave franceze, skuadra e trajnerit Rudi Garcia kërkon edhe një mbrojtës dhe si objektivi kryesor është Medhi Benatia. Mbrojtësi maroken është vënë në shënjestrën e disa skuadrave ditët e fundit të merkatos së janarit.
Benatia, 31 vjeç, ndodhet që prej viti 2016 te Juventusi, por gjithnjë është aktivizuar me pikatore nga trajneri Max Allegri. Ekipet e Schalke 04 dhe Arsenal kanë shfaqur interes për të, por Marseille duket në “pole” për të marrë shërbimet e mbrojtësit. Trajneri Rudi Garcia e njeh mirë lojtarin, të cilin e ka patur një vit te Roma, ndaj kërkon që ta sjellë me çdo kusht në League 1.