Telenovela Elseid Hysaj te Chelsea mund të përfundojë brenda merkatos së janarit. Janë këto thashethemet që po qarkullojnë në mediat italiane, me Napolin që duket se është i hapur për të dëgjuar ofertat për Hysaj deri në fundin e këtij muaji.
Mungesa e minutave dhe refuzimi për të rinovuar kontratën e re, e kanë detyruar Napolin që të lë të lirë shqiptarin për të firmosur me një tjetër klub, ku Chelsea i drejtuar nga Maurizio Sarri është në “pole-position”. Hysaj ka një kontratë me Napolin deri në qershorin e vitit 2021 dhe nëse sjell në arkat e napoletanëve rreth 50 milion euro mund të firmos me cilindo ekip.
Nëse Hysaj do të firmos me Chelsea, shqiptari do të ishte blerja e dytë e Sarrit nga ish-klubi i tij, pas mesfushorit Jorginho.
