Paul Pogba është jo vetëm një yll si futbollist, por edhe njeri me zemër të madhe. Këtë e ka treguar edhe së fundi, përmes një dedikimi special që ka bërë për një lojtar të ri të Juventusit. Një mundësi për të dëshmuar edhe një herë tjetër, se kampioni i botës me Francës nuk i harron ngjyrat bardhezi.
Bryan Dodien tani është kthyer në fushën e lojës. Pas 3 vitesh luftë me sëmundjen e rëndë (ai u diagnostikua me kancer), i riu u shfaq me fanellën e Juventusit, ndërsa luajti në ndeshjen kundër U-19 të Bologna. Lojtarët bardhezinj ishin gjithnjë pranë tij, siç e kishte thënë Pogba, pas një ndeshjeje të Juventusit, në “Rai Sport”: “Unë gjithmonë do të jem pranë tij”.
Bryan Dodien ka bërë tashmë rikthimin e tij në fushë, çka është një lajm i mirë për të gjithë. Kohët e fundit, Pogba kishte thënë për këtë çështje: “Çfarë bekimi është që Bryan e mundi kancerin. Faleminderit, që je një frymëzim për mua dhe shumë të tjerë”.
Ju mund ta shihni mesazhin origjinal të Paul Pogba këtu më poshtë:
What a blessing it is that Bryan beat cancer and now played his first game with Juve U15. So proud of you my friend, merci for being an inspiration to me and so many others. Hope to see you soon! #fightcancer #beatcancer #thisiswhyweplay pic.twitter.com/J8Yr5Nvka3
— Paul Pogba (@paulpogba) January 6, 2019
