Gjatë ditëve të kaluara nga Franca u raportua lajmi ku flitej për një interesim të PSG-së për Razha Naingolanin. Mësohet se janë publikuar dje detaje të reja që, së paku në pamje të parë, duket t’u kenë dhënë fund zërave lidhur me të ardhmen e mesfushorit të Interit:
“Ninxha”, në fakt, flitet të ketë hedhur poshtë pa hezitime kërkesën e klubit parisian. Belgu, pavarësisht gjithë çështjeve që e kanë shoqëruar javët e kaluara (nga vonesa në stërvitje, deri te pezullimi për ndeshjen e parafundit të fazës së parë me Napolin), tani është i bindur më shumë se asnjëherë për të vazhduar eksperiencën e tij me zikaltrit, me dëshirën për të “rilindur” në 2019-ën.