Milan është kthyer te fitorja kundër Napoli-t pas pesë vitesh dhe ka siguruar një vend në gjysmëfinalet e Kupës së Italisë. Kuqezinjtë, ashtu si në 14 dhjetorin e 2014-ës, edhe sot kanë fituar me rezultatin 2-0.
Proitagonistët e takimit të luajtur pesë vite më parë kanë qenë Menez dhe Bonaventura, ndërsa sfida e sotme ka patur vetëm një hero: Krzysztof Piatek.
Sulmuesi polak, i cili u aktivizua në minutën e 71-të të ndeshjes së kampionatit të luajtur të shtunën kundër Napoli-t (0-0), ka bërë debutimin e tij si titullar me kuqezinjtë spt dhe ka qenë një debutim ëndrrash.
Ai ka zhbllokuar ndeshjen në minutën e 10-të (gjuajtja e tij e parë në portë me fanellën e Milan-it) dhe e ka mbyllur atë në të 27-ën pas një lëvizje të bukur brenda zonës së rreptësisë.
Kuqezinjtë do të ndeshen në gjysmëfinale me fituesen e Inter-Lazio, ndeshje që do të luhet të enjten në mbrëmje.
