Jorge Sampaoli do të mbahet mend si një ndër trajnerët më të dobët në Kupën e Botës 2018, kur nuk arriti të bënte asgjë të veçantë me Argjentinën dhe ku u bë qesharak, sepse pati një moment kur e humbi kontrollin e ekipit dhe formacionin e bënin senatorët e skuadrës, lajm i raportuar gjerësisht në mediat argjentinase dhe që nuk u përgënjeshtrua kurrë.
Pas Botërorit, ashtu si ishte logjike, Sampaoli la drejtimin e Argjentinës, duke marrë edhe dëmshpërblim për prishje kontrate, ndërsa tashmë është trajneri i ri i Santosit në Brazil.
Edhe aty Sampaoli ka përfunduar në qendër të vëmendjes, por jo për rezultatet apo formacionin, sepse një gafë në konferencë për shtyp ka bërë gazin e botës.
Argjentinasi, duke folur për ambiciet e ekipit, tha: “Kur mbërrita te Santos, mbërrita në një skuadër me histori të madhe, ndaj ëndërroja të isha këtu. Duhet të jemi në lartësinë e historisë së legjendave si Pelé, Neymar, Ronaldinho…”.
Ronaldinho? Po, pikërisht ai, fenomeni që ka mahnitur botën dhe në Brazil ka luajtur për Gremio, Flamengo, Atletico Mineiro e Fluminense, por jo Santos. Një gafë që i ka zemëruar jo pak tifozët e Santosit, ndërsa ka plasur edhe humori nga tifozët kundërshtarë.
Gallata kaloi edhe në Brazil, si epidemi, sepse aty tifozët e kombëtares janë kujtuar për bëmat e tij. “E të mendosh që këtë palaço e kemi pasur në stolin e kombëtares”, “Faleminderit Santos që na e hoqe nga Argjentina”, e të tjera komente të tilla kanë mbytur rrjetet sociale.
– Pero Sampaoli, Ronaldinho nunca jugó en el Santos
– Jaja que sé yo pic.twitter.com/iLunurpxVm— Esquema Fútbol (@FutbolEsquema) January 14, 2019