Fabio Quagliarella ka shkruar emrin e tij në historinë e Serisë A.
Sulmuesi 35-vjeçar ka zhbllokuar me penallti takimin që po zhvillohet në “Ferraris” mes Sampdoria-s dhe Udinese-s. Kjo ka qenë ndeshja e 11 radhazi me gol në kampionatin italian për Quagliarella-n, i cili ka barazuar rekordin e vendosur nga Gabriel Omar Batistuta në nëntorin e 1994-ës.
Gjithashtu, ky realizim e ka ndihmuar sulmuesin veteran të marrë përkohësisht kreun e renditjes së golashënuesve të Serisë A me 15 gola, një më shumë se Cristiano Ronaldo, i cili do të kërkojë të kundërpërgjigjet në ndeshjen që Juventus do të luajë nesër kundër Lazio-s.
