Beppe Marotta po punon për merkaton e Inter, përveç strategjisë që po hartohet për afrimet e mundshme në merkaton e janarit apo atë të verës, po punohet edhe për largimet. Në listë që nga merkato e verës është edhe Antonio Candreva.
Sulmuesi anësor nuk është më në planet e trajnerit Luciano Spalletti dhe këtë sezon minutat e tij në fushë kanë qenë me pikatore. Për këtë, 33-vjeçari po mendon për një largim nga skuadra zikaltër.
Nga Anglia është West Ham që ka interes për italianin, edhe pse në verë siguruan shërbimet e Felipe Anderson nga Lazio. Por, dëmtimet e shumta në skuadër kanë detyruar trajnerin Manuel Pellegrini të mendojë për një afrim imediat, të paktën për gjysmën e dytë të sezonit. Nuk dihet ende nëse oferta do jetë në formë huazimi apo blerje e kartonit, duke qenë se Candreva ka kontratë me Inter deri në vitin 2020.
Kujtojmë që West Ham ka interes të fortë edhe për sulmuesin Gabriel Barbosa, të cilin Inter e ka huazuar në Brazil te Santon dhe po kërkon një destinacion për ta shitur.
