Transfertat janë kthyer në një makth për Arsenalin. Në 5 sfidat e fundit jashtë fushe, “topçinjtë” kanë pësuar 3 humbje dhe kanë barazuar 2 herë.
Ditën e sotme, skuadra e Unai Emeri u mposht me rezultatin 1-0 në derbin e Londrës ndaj Uest Hemit. Goli i Rice në minutën e 48-të i siguroi fitoren vendasve të cilët u ngjitën në vendin e 8-të.
Ndërkohë një situatë aspak e qetë te Arsenali që rrezikon të humbasë vendin e 5-të. Një sezon plot luante për “topçinjtë” të cilët nuk po gjejnë qetësi. Humbja ndaj Uest Hemit ishte e para për vitin 2019, pasi kujtojmë që në ndeshjen e 1 janarit, skuadra e Emerit arriti të triumfonte me rezultatin 4-1 ndaj Fulhemit. Ndërkohë në sfidën e radhës Arsenali do të presë Çelsin në shtëpi, një tjetër disfatë do ta zhyste në krizë skuadrën londineze.
