Trajneri i Real Madridit, Santiago Solari e ka konfirmuar dëmtimin e Karim Benzema, i cili ka thyer gishtin në ndeshjen e mbrëmshme ndaj Real Betisit.
Benzema u rrëzua mbi dorën e tij të djathtë dhe kishte dhimbje para se të largohej nga fusha e blertë.
Solari tha se francezi e ka thyer gishtin, mirëpo nuk dha informacione se sa kohë do të qëndrojë jashtë fushave.
Benzema ka shënuar shtatë gola dhe ka bërë dy asistime në 19 paraqitjet e tij në këtë sezon.
Kujtojmë që Real Madridi mori fitore me rezultatin 2-1 në transfertën ndaj Betisit në duelin e vlefshëm për javën e 19-të të La Ligas.
